Ikiuuttartunngorit

Anguaniakkat Pingaartitallu

Anguniangarput takorluukkagullu

Pingaarnertut anguaniangaraarput peqataaffigissallugu meeqqat inuusuttullu atugaat Kalaallit Nunaanni pittanngorsaaqataaffigissallugu. Kissaatingaarput meeqqat tamarmik pingaarutilittut misigisimanissaat ataatsimoorfimmilu annertunerusumiittut.

Tamanna anguaniarlugu, siunissaq ungasinnerusoq eqqarsaatingalugu anguniaqassaqarpugut, tassalu nukittuumik kajumissutsumik sulisoqalernissaa inuusuttunik Kalaallit Røde Korsiani. Kajumissutsimik sulisut namminneerlutik suussusersisassuaat, ineriartortittassuaat aaqqissuullugillu ataatsimoornerit, ikorfartuillutik pittanngorsaataasullunillu sammisaqartitsisassallutik anguniagaqatumik aaqqissuunneqartumillu kalaallit inuusuttaannik.

Sammisaqartitsinerit inuusuttunut imminnut tatiginnilersitsisussaapput, imminut naleqartinneq aammalu piginnaasaqartitsilerluni, tamakkulu periarfissanik pilersitsisinnaassapput inuunermillu imaqarnerusumik inuuneqalersitsillutik.

 

Ungasinnerusumut anguniakkat anguniarlugit, pingasunik minnerusunik anguniagaqarpugut:

  • Ineriartortissallugu nukittorsassallugulu Kalaallit Røde Korsiani inuusuttunik aaqqissuussineq nuna tamakkerlugu sumiifiinnilu.
  • Ineriartortissallugit aallarnisarlugillu ataatsimoorfiit, tapersersuisumik pinaveersaartitsiviusunillu sammisaqartitsinerit inuusuttunut sunneruminarnerusunut, aammalu qularnaassaallugu nuna tamakkerlugu suliniutip ingerlanerani sammisaqartitsinissaq.
  • Pitsaasumik inuusuttut akornanni kultureqartoqalissasoq kajumissutsimik sulinerup tungaatigut Kalaallit Nunaanni Ungdommens Røde Kors Qallunaaniit, aammalu Røde Korsip isumasineqarnermit.

Takorluukkagut

  • Inuusuttut ikorfartortariallit inuunermik isumaqarnerusumik inuuneqalernissaanik pilersitsinissaq

  • Inuusuttut tamarmik naleqartutut ataatsimoorfinnilu annerusuniillutik misigisimanissaat

  • Ineriartortinneqarnissaa namminersortumik kajumissutsikkut sulinerup kulturia Kalaallit Nunaanni, inuit allat ikiorniarlugit

  • Inuusuttut akornimminni inooqatigiinnissaminut peqataanerunissaat, taamaattumik pitsaasumik imminnut sunniivigeqatigiinniassammata

Tunngaviit 7

KRK INUA nunarsuaq tamakkerlugu Røde Kors kattuffimmi ilaavoq, taannalu tunngaviusunik arfineq marlunnit ineriartorsimavoq

Inuppalaassuseq

Røde Korsip sapinngisani tamaat, inuit maani nunarsuullu sinneraniittut sumiikkaluilluunniit, naalliuuteqarnissaat pitsaaliorniarsaraa. Røde Korsimi siunertaavoq inuunermik peqqissutsimillu illersuinissaq kiisalu inuup ataqqineqarnissaa qulakkiissallugu aammattaaq akerleriit akornanni paaseqatigiittoqarnissaa, ikinngutiinnerup suleqatigiinnerullu anguniarnissaat kiisalu inuiaat tamat akornanni ataavatussamik eqqissineqarnissaa.

 

Kinaassusersiunnginneq

Røde Korsi ikiuisarpoq sumiuuneq, ammip qalipaataa, upperisaq, isumaliortaaseq, inuiaqatigiinni inissisimaneq, politikkikkulluuniit isummat apeqqutaatinnagit. Røde Korsip noqqaassutigiuarpaa inuit naalliuutaannik atoruminarsaaffigineqarnissaat pisariaqartitaallu tamatigut kisiisa aallaavigisarlugit atugarliornerpaatullu inissisimasut ikiuinermi siulliunneqartarlutik.

 

Akerleriittoqatillugu illersungaqannginneq

Tamanut tatiginninnermik tatigineqarnermillu ilorrisimaarnartitsinnik attassiuarumalluta, Røde Korsi, akeqqersimaartunut, illersugaqarluni akunnermiliutissanngilaq, sukkulluunniillu, politikkikkut, ammip qalipaataatigut, upperisarsiornikkut, isummersirnikkulluunniit isumaqatigiinngitsoqartillugu akuliutinngisaannassalluni.

 

Kiffaanngissuseq

Røde Korsi kiffannfissuseqarpoq. Inuunik ikiuiniarnerminni nunap najukkamik malittarisassaat malillugit Naalakkersuisuinik ikiuuttuartarumaarput, kisianni namminersortuunertik attattuassavaat. Taamaalillutik Røde Korsip tunngavii malillugit iliuuseqarsinnaajuassapput.

 

Kajumissuseq

Røde Korsi kajumissuseq malillugu ikiuiniaqatigiiffiuvoq, sulinermini naamerluinnaq aningaasatigut iluanaarniarnermik tunaartaqanngilluinnartoq.

 

Ataasiussuseq

Nunat iluini ataasiinnarmik Røde Kors peqatigeeqaqusaavoq. Peqatigiiffik tamanut ammasuussaaq nunalu tamakkerlugu inunnik sullissinini ingerlatissallugu.

 

Tamanut assigiissoq

Røde Korsi nunarsuaq tamakkerlugu ingerlassaavoq, sumiiffimmi sumiikkaluamiluunniit Røde Korsip immikoortortaqarfii assigiimmik inissisimaffeqarput assigiimmillu akisussaaffeqarlutik ikioqatigiinnissaminnullu pisussaaffiligaallutik.