Aaqqissuussaanera
KRK-INUA suliaavoq Kalaallit Røde korsip aaqqissuussisoqarfianit. KRK-INUAta kajumissutsimik sulisui sammisaqartitsinermi aqutsisoqarput, eqimattani akisussaasuusoq. Taassama saniatigut aaqqissuussaqarpoq kajumissutsimik sulisut tamarmik pilersaarusiorfigisartagannik sammisaqartitsivigisartangaannillu.
Aallartitaqarfimmiittuusut tassaapput Kalaallit Røde Korsiani oqartussaasut. Aallartitaqarfimmiut ukioq allortarlugu naapittarput. Aallartitaqarfimmiut tassaapput nuna tamakkerlugu kattuffiup siulersuisui aallartitaqartut immikkoortortaqarfinnit marlunnik.
Nuna tamakkerlugu siulersuisut aallartitat naapittarnerannit akisussaaffeqarput pingaarnermik aqutsinikkut Kalaallit Røde Korsiani. Nuna tamakkerlugu siulersuit siulittaasoqarput, siulittaasup tullia ilaasortallu marluk, tamarmillu qiningaasarput ukiut sisamakkaarlugit.
Allaffissornermi aqutsisup akisussaaffingaa ulluinnarni Kalaallit Røde Korsiata ingerlanera, pingaartumik aaqqissussallugit ikiueqqaarnermi pikkorissaanerit aammalu suliniummi aqutsisup siunnersueqatissarsiornissaa.
Suliniummik aqutsisup akisussaaffiingaa ataqatigiissassallugu pingaarnertut iliuusissaq INUAmi. Suliniummik aqutsisoq allaffeqarpoq Kalaallit Røde Korsiata allaffeqarfiani, Ole’s varehusitoqqami naapinneqarsinnaallunilu allaffimmini ataasinngornermiit tallimanngorneq ilanngullugu nal. 9.00 – 15-00. Attavigineqarsinnaavugut mailikkut: inua@krk.gl, tlf: 321800 imaluunniit facebookkikkut.
Kajumissutsimik sulisut taakkuupput sammisassanik suliaqartut inuusuttut peqatingalugit.
Sammisassaqartitsinermi akisussaasut kajumissutsiminnik sulisuupput, akisussaaffingalugu pilersaarusiorneq aaqqissuussamillu sammisassaqartitsinissaq, inuusuttunut pisariaqartitsisunut ingerlatassaasunik kajumissutsiminnik sulisut peqatingalugit.