SPRINT!
Sprint tassaavoq sukumiisumik suliaqarneq, suliaqarnermi inuusuttut illoqarfigisaminni unammilligassat suliassallu aaqqikkusutatik suussusersissuaat – ataatsimoorlutillu iliuuseqarfigalugit. Sprintimi sammineqarsinnaasut assigiinngitsorpassuusinnaapput, kisianni inuiaqatigiinnut tunngajuaannarpoq.
Inuusuttut illoqarfimminni allanngueqataanerusunnaanerat annerusumik sammineqartarpoq.
Misigisimasarpit isumassarsiat piviusunngortikkuminaattoq? Taamaappat sprintimut peqataasariaqarsimavutit. Sprintip ingerlannerani isumassarsiat maangaannartinneqarneq ajorput, isumassarsiat oqaluuseriinnarneqarneq ajorput. Tassa iliuuseqartarpugut, misileraasarpugut piviusunngortitsillutalu!
SPRINT ingerlanneqarneraniik assersuut:
INUA Tasiilaliarpoq misilittarniarlugu tunumi SPRINT qanoq ingerlassanersoq. Inuusuttut 20-it kajumissutsiminnik sulisut peqataapput akunnerni marlunni ingerlanneqartumi. Peqataasut piffissami sivikittumi misiliigaluarlutik isumassarsiorfigilluarpaat, projektillu annertuut pingasut annikinnerusullu arfinillit pilersippaat.
Tasiilami SPRINTimik ingerlatsinerup inerneraa immikkoortortaqarfiup peqatigiiffinnik suliffeqarfinnillu assigiinngitsunik suleqateqarlutik innuttaasunut sammisassanik pilersitsisalernerat. Sammisassarpassuit tamarmik akeqanngitsumik! Ilaa torrak?
Yes, we can!
Immaqa uppernarpallaanngilaq, kisianni Sprint periusaavoq immikkuullarissoq meeqqanut inuusuttunullu piumassuseqalersitsisartoq, uummarissaasartoq naleqassutsimillu annerulersitsisartoq. Sprinterneq naammassigaangat misigisarparput peqataasut misigisimasartut: ”Ilumut, iliuuseqarsinnaavunga!”
Ataatsimoorneq iliuuseqarsinnaanerlu
Pingaarluinnartut tassaapput ataatsimoorneq iliuuseqarsinnaanerlu. Ingerlanermi pingaaruteqarpoq pikkoriffiit assigiinngitsut atorluarnissaat, tassa Sprintimi peqataasut pikkoriffii. Tamarmimmi naligiimmik pikkorffimminnik tunniussisinnaagunik suliniutaat piviusunngorsinnaavoq.
Sprintimik ingerlatsinerit suleqatigiiffiusarput soorlu atuarfinnik, suliffeqarfinnik Ungdommens Røde Kors’ Fællesværkikkunnik.
